上週五及六（ 20日及 21日）， Eason在台北小巨蛋連開 2場演唱會，頻頻揾錢的他面容顯得頗為憔悴。
真面目
摸頂入市 阿徐冇名 陳奕迅危揸 3億樓
歌神陳奕迅（ Eason），今年狂唱巡迴，幾乎跑勻全世界，最近仲接埋《金雞 SSS》一戲，唱歌拍戲打孖上，忙到聲爛都冇得休息。
Eason咁搏命揾錢，除因要養起全家，更因今年先後豪花 3億分別買入商廈環匯廣場及壽臣山 Shouson Peak獨立屋。供樓支出龐大，最慘係 Eason一入市就撞正美國宣布退市計劃，各大專家又紛紛預測樓市將跌三成，難怪 Eason要搏命搵錢積穀防飢，一個男人孭起三億樓債，疑似冇加阿徐名，辛苦晒！好話唔好聽蝕入肉都唔使老婆孭，唔怕當年阿 B章小蕙因負資產婚變。咁先叫錫老婆！
在 Instagram自稱「跑步永不停」的徐濠縈，月初在上海參加半馬拉松比賽，全程表現輕鬆，而老公 Eason則在香港為《金雞 SSS》開工努力撲水賺錢。 
週五（ 20日），徐濠縈帶同囡囡陳康堤現身台北小巨蛋支持老公 Eason，有老婆同寶貝女撐場， Eason再辛苦都要撐。 
上週日（ 15日）， Eason簽署臨時買賣合約，而有傳在臨約上沒有名字的徐濠縈，就出街整指甲扮靚。
減盡 8%樓價
一向冇乜買樓癮的 Eason，先於今年 5月和 12月，以$8,300萬買入黃竹坑商廈環匯廣場，以作自家工作室及錄音室，至今月再以 2億 3千萬購入壽臣山 Shouson Peak獨立屋自住。
以往慣以公司名義持有物業的 Eason，今次為享減價和慳稅，就破例以個人名義買入。據知，在今月 15日簽臨時合約時，並未加入老婆徐濠縈名，知情人士說：「 Shouson Peak用私人名義可以減多 3%，都有差唔多成千萬， Eason梗係唔會用公司 hold啦，聽講張臨時約冇阿徐名，不過佢上星期四上律師樓簽正式約有冇加番老婆名就唔知喇！其實 Eason呢次都係經一個細行 agent買，聽講之前佢哋睇樓已好鍾意，康堤同阿徐鍾意有私人泳池同大花園， Eason鍾意夠靜，所以貴啲都扑鎚買。」
上週四（ 19日），陳奕迅到律師樓簽合約，徐濠縈上週五（ 20日）飛到台北支持老公，有新豪宅住，梗要全家慶祝吓。 
Eason一向愛妻兼痛錫獨女康堤，難得二人鍾意， Eason 3億買獨立屋都唔肉赤。
狂做一年
可惜 Eason重金入市，卻撞正美國宣布減少量寬金額，有大行更預測未來香港的樓市將會下跌 2、 3成，揸重貨的 Eason當然擔心變負資產。
好在 Eason吸金力強，由 10年開始巡唱幾乎唱足一百場，下年仲會殺入歐洲， 3月會到倫敦及法國開個唱。為搵錢， Eason連電影《金雞 SSS》都撈埋一份。賺錢固之然重要，不過 Eason之前喉嚨試過生繭出事，搵錢都要顧住健康喎！
勁減 7千萬
Eason新買入的壽臣山 Shouson Peak獨立屋，實用面積有 3,600呎，又有私人泳池，絕對係 Eason心中杯茶。 
Shouson Peak共有 31間獨立屋，除有私人泳池外，亦設有超豪私人會所，啱晒好客阿徐。 
政府辣招重，發展商為吸引客仔，多以各種優惠吸客， Eason用私人名義買入，減盡各優惠可獲超過 7千萬折扣。
本月 15號簽臨約，據知佢 19號已簽署正式合約，成為獨立屋主人，但正式合約則登記為 20日。 
上水奕翠園仍持有96年 Eason同徐濠縈聯名以公司名義買入 771萬奕翠園，至今仍持有，市值約 1,174萬。《蘋果日報》圖片 
5月入環匯廣場今年 5月 Eason用海外註冊公司名義買入價值 8,300萬的黃竹坑環匯廣場作公司辦公室。《蘋果日報》圖片 
08年賣嘉崙臺賺$1,300萬00年 Eason同徐濠縈聯名買入 2,242萬元大坑嘉崙臺， 08年賣出，勁賺 1,300萬。《蘋果日報》圖片
唱足一年
7月香港破紀錄
Eason於今年 7月在香港連開 25場演唱會，仲破咗個人演唱會場次紀錄。
11月曼谷爆滿
上月， Eason在泰國曼谷連開 2場演唱會，一樣全場爆滿。
12月台北開騷
上週 Eason在台北小巨蛋再次連開 2場演唱會，老婆及囡囡都有到場支持。
13年 3月殺入歐洲
