Sherman除咗個鼻愈來愈直，條腰仲忽然由水桶變到有晒線條，成個索晒！
FBI
鍾舒漫瘦腰引 Deep
雖然成日叫人揀另一半唔好睇外表，但 FBI總覺得外表索啲，的而且確蜜運會多啲嘅！
吳浩康最近被拍到買餸上 Sherman屋企玩煮飯仔，好體貼。《壹週刊》圖片
好似鍾舒漫（ Sherman）咁， FBI收到風佢最近靜靜雞走去做腰部抽脂手術，話咁快咪引到吳浩康（ Deep）起痰力溝囉。
FBI當然唔係齋收風，有去求證㗎。 Sherman話自己唔抗拒做「機」，但就死口唔認抽脂，「我聽講係大手術嚟㗎喎，我唔認識（抽脂），所以唔會試喇！」
Sherman最近又被爆已經同吳浩康半同居，但 FBI收到風，查實佢曾經諗過同 Steven（張致恒）復合，但因為對方瞞住佢溝岑麗香，所以死心， Sherman仲同人講：「佢話等我返轉頭喎！等？食住等咋啩！」就係咁，阿 Deep咪乘虛而入囉！
6月冇腰
Sherman雖然瘦，但就一直冇腰， 6個月前條腰仲係好似水桶咁。 
Sherman同 Steven 08年拍拖， 09年分手， 11年復合，但之後又分手，導火線係 Steven溝香香，終令 Sherman死心。 
撰文、攝影： FBI
