上週一（十八日），阿佘突然感到頸部及右手麻痺，急到醫院求醫。
探熱針
頸椎移位 佘詩曼急入院
拒絕留醫
上週一（十八日），下午六點，身穿便服戴住黃色豹紋口罩的佘詩曼，在一名女性友人陪住現身九龍塘浸會醫院，二人到詢問處登記後，阿佘便被安排送往電腦掃描部照磁力共振。
「阿佘條頸痛咗成兩個星期，有時會痛到瞓唔到，連嘢都食唔到。嗰晚佢條頸係突然間痺晒，好快仲痺到落手，右手完全冇晒知覺，再加埋頭痛，冇知覺真係唔講得笑，所以即刻入院。」佘詩曼身邊人說。
一小時後，阿佘見完醫生，便與友人到醫院取藥處攞藥及付款離開。據了解，掃描報告證實阿佘的頸骨中段有嚴重移位，壓住神經線，引致有麻痺情形出現。據悉主診醫生曾要求阿佘當晚留院觀察至出報告，但她堅持出院；醫生於是開了止痛藥，以備不時之需。
「醫生都唔建議佢開刀，因為壓住神經線，開刀風險好高，醫生亦講明如果處理得唔好，佢隨時有機會癱，所以阿佘而家好勤力去做物理治療，可以推嘅 job都推晒。」
阿佘出席活動時表示因為頸椎移位現正接受物理治療，更須要停工數星期養傷。 
見完醫生，阿佘到醫院詢問處付款及取藥，之後再到醫院的便利店。 
到達醫院後，阿佘被安排到電腦掃描部照磁力共振。 
見完醫生，阿佘與友人離開醫院到停車場攞車。
不容忽視
用以連接腦部及其他器官的頸椎共分七節，上部第一第二節控制頭部左右活動，下部三至七節則控制頭部前後擺動，由於頸椎連接大量神經及血管，一旦移位，可影響活動能力。
頸椎移位初期，患者可能出現頭痛、頸痛，若不盡快醫治，會導致手部、腳部麻痺，嚴重的可能四肢癱瘓。
頸椎移位可靠物理治療醫治，強化肌肉，將移位部分復原。嚴重的則要做手術，但有一定風險，可能會傷及神經線，導致腦部缺氧，甚至全身癱瘓。
明年復工
阿佘於早年先後發生兩次車禍，均傷及頸部及尾椎骨，其時頸椎已出現輕微移位，要接受電療及戴頸箍護頸。但當時有兩劇在手的阿佘休息不夠一個星期，便頂硬上埋位開工；由於一直未有好好處理舊患，令傷勢愈來愈嚴重。
「佢拍劇好多時要吊威吔，搞到周身傷，開劇又日夜顛倒，除咗條頸，腰同膝頭都傷晒，而家又針灸又推拿，中西醫樣樣做齊，因為佢出年一月就要拍《使徒行傳》，要盡快搞番好身體。」知情者說。
最近，有指阿佘與鄭嘉穎舊情復熾，早前二人更「情侶檔」接 job搵錢。 
上月，阿佘出席活動後，到奧海城的美容院做 facial，之後更碰到友人，吹咗一輪水先離開。 
沿途不停有 fans要求阿佘影合照，來者不拒。
02年，阿佘駕車前往馬鞍山趕拍《洗寃錄 2》，途中不慎撞向石壆，令頸部受傷，之後阿佘開完工後才往醫院求診。 
好易中
拍劇外景接廠景，戲份重的主角根本冇覺好瞓，入行 16年的佘詩曼，拍超過 35部無綫劇集，有時甚至帶傷上陣，身體五癆七傷。
仆崩牙
05年，在《火舞黃沙》中，阿佘拍一場孭住小朋友跑步時，不慎失平衡跌倒，結果撞崩牙，下巴更留疤痕。
食波餅
01年，阿佘車禍撞傷頸，醫生建議要休息一個月才可復工，但她停工不足一星期已為劇集《紅衣手記》開工，在拍攝一場沙灘戲時，阿佘食正波餅，當場令頸傷惡化，要長期戴頸箍護頸。
出紅疹
01年，阿佘到廣西賀州拍攝《酒是故鄉醇》時，因拍落水戲，由於當地是傷寒疫區，導致阿佘受細菌感染，面上長滿紅疹，即被送到當地醫院。
