即將成為無綫親生女嘅 Niki，近日出席活動時相當風騷，反而未同無綫續約嘅林峯就冇乜心機。
真面目
佔領視后 買 now創業作 TVB硬捧周麗淇
無綫頒獎禮下個月就到，雖然人人嗌熄電視唔睇，不過視帝視后依然大把人討論。
最近有傳無綫收視福將的周麗淇，以簽做親生女作籌碼換獎，明剃大熱門鍾嘉欣眼眉。據知，曾經因鄭嘉穎而得罪樂易玲的 Niki，最近頻頻主動約對方食飯，又向樂易玲開出「賣身」條件，所以臨近頒獎禮才傳出 Niki同鍾嘉欣不和！為表誠意，無綫更高價購入 Niki和林峯主演， now TV的創業作《大漢賢后衞子夫》。為捧 Niki做視后，內部做足晒工夫，係爭在啲民意啫！
金牌監製梅小青同劉家豪離開 TVB，為 now TV開拍古裝劇《大漢賢后衞子夫》，仲搵到林峯同周麗淇省招牌，點知呢套 now頭炮居然俾 TVB買咗，分分鐘播先過 now！《蘋果日報》圖片 
劉家豪、梅小青
花旦買少見少
近日傳出周麗淇決定簽無綫經理人約做親生女，但條件係要攞今屆視后！據知無綫方面都想簽 Niki，加上近年擔得大旗的花旦買少見少，佘詩曼、陳法拉已離巢，楊怡、胡杏兒亦即將約滿，剩得鍾嘉欣同徐子珊算有叫座力，難得福將 Niki肯簽，無綫當然𦧲飯應。
「 Niki仲有 1年左右普通藝員約，本來個個都以為佢唔會俾 TVB綁死，但佢呢排成日打畀樂小姐約食飯，仲話搵定套靚衫出席台慶頒獎，係人都估到咩事啦！」知情人士透露。
修補關係Niki同樂易玲曾因鄭嘉穎而交惡，不過 Niki近年積極同對方修補關係，現時已成為樂小姐愛將。 
出碟無期Niki去年 7月簽約任賢齊旗下「大岳文化」，但歌唱事業依然冇起色，只好爭做視后。 
08年同鄭嘉穎分手後，男方曾在內地爆紅，但最近風水輪流轉，嘉穎跌價失寵，相反 Niki就簽 TVB被力捧。
唱埋主題曲
今屆視后大熱原本屬意極有觀眾緣的鍾嘉欣，可惜嘉欣 BB前排傻更更同無綫簽了 8年長約，就算今年做唔成視后，嘉欣 BB亦冇得扭計抗議，更加唔使旨意離巢。
8年長約成鍾嘉欣致命傷，卻造就周麗淇。為幫準視后打嚮頭炮，無綫已向 now TV買入 Niki同林峯主演的電視劇《大漢賢后衞子夫》，仲安排 Niki唱主題曲，一條龍谷人氣。知情人士說︰「套劇係劉家豪梅小青兩公婆離開 TVB嘅第一套劇，估唔到 TVB都肯買嚟播，仲用好高價錢，話點都要早過 now TV首播。」本週一，記者致電梅小青，她說：「排緊期國內播先， TVB係好有興趣買，但呢一刻未傾好，套劇做緊後期。」據知兩位主角近日亦度期返無綫為劇集配音，擺明捧到上天。週日，本刊致電 Niki經理人王敏慧 Marianne，她說︰「套劇 TVB係買咗，但未知幾時播。（簽無綫做親生女？）仲傾緊。」嘩！周麗淇做視后，大家點睇？
Niki喺《好心作怪》同三哥、 Bosco搞三角戀，收視唔錯，網友亦讚 Niki演技有進步。 
鍾嘉欣喊功犀利，年初《玩嘢王》嘅表現更獲選為「民間視后」，可惜喺《巨輪》發揮一般，被田蕊妮演嘅「倀雞英」搶晒鏡。 
Marianne Niki現任經理人「同無綫仲傾緊！」 
周麗淇一向識做人，上年出席活動時見到無綫兩代揸 fit人陳志雲（中）同殼王陳國強（右），即刻笑晒主動握手！
周麗淇掛名女一
視后走勢
今年視后冇晒神枱級花旦參與，得番一班後生女爭食。要數大熱門，只係有套《好心作怪》的周麗淇同《巨輪》的鍾嘉欣，不過嘉欣 BB唔夠搶鏡又冇籌碼在手同 TVB談判，好似輸蝕咗啲喎！
黑馬
楊怡《仁心解碼 II》《 On Call 36小時 II》 
胡杏兒《衝上雲霄 II》
