朱千雪有民意撐，無綫即力谷朱千雪，唔只拍劇、拍電影，亦谷佢狂接商場騷賺錢，對於跟好姊妹關係，朱千雪接受訪問說：「我哋之前有成日見，不過冇上過佢屋企，佢屋企有狗，我怕狗！」
真面目
唔妥你 捉「姣 Wing」花名黑手 朱千雪暗箭黃心穎
兩位 12年好姊妹港姐，亞軍黃心穎和季軍朱千雪，剛剛放低港姐名銜開始全力進軍娛樂圈。
計起步，朱千雪首次拍劇即喺《 On Call 36小時 II》拍住吳啟華，在電影《大峽谷》就配張家輝。
估唔到黃心穎步步進迫，先憑谷胸相成為高登女神，再被多位監製睇中開劇，兩姊妹難分難解。本來各有各上位，但忽然有人喺電視城狂唱黃心穎發姣黐監製，仲改咗「姣 Wing」花名。你估真係當你姊妹咩？
佢做咩我控制唔到！真實對白黃心穎呢輪當旺，上週四（ 7日）喺節目巡禮，谷盡招牌事業綫，即使被問及有人篤背，依然笑晒。
追趕姊妹
朱千雪上緊位、黃心穎等發圍，原本冇影響二人感情，但自從黃心穎喺網上自拍低胸相而被封為「心穎 BB」後，亦令一眾劇集監製留意呢位港姐亞軍。
心穎 BB急住上位，原來《 On Call II》她亦有份客串，而新劇《點金勝手》飾演黃宗澤前妻亦獲加戲，到下年重頭劇《再戰明天》亦會拍王浩信。黃心穎事業後上，不過負面新聞亦緊隨，傳出黃心穎成日發姣電監製，更有人幫佢改「姣 Wing」花名。
朱千雪和黃心穎二人喺選美期間成為好友，當年喺英國外景玩佳麗互篤淘汰，有指二人合力埋堆避過此劫。 
早前心穎 BB出戰世姐，喺才藝表演最高排名去到 12，加上佢最愛自拍低胸照，令佢輕易成為新高登女神。
「佢做咩我控制唔到！」
黃心穎除咗拍劇，亦喺《學是學非》主持。除咗網友 like，亦令心穎 BB開始入屋。
朱千雪急升女二
在上週《 On Call II》的宣傳活動，雖然黃心穎成功企埋朱千雪旁邊兼馬明後面，但實情係朱千雪係女二，黃心穎只係客串，心穎 BB又攞到靚位。
朱千雪喺《 On Call II》做女二，而黃心穎就喺劇中飾演情緒病人，雖然只得兩集戲，但同楊怡、馬明都有唔少對手場面。 
朱千雪喺《 On Call II》做女二，就連海報排位，亦當眼過出道早過佢嘅黃智雯，她說：「監製話大家啲戲好平均，大家都會好搶鏡！海報事我唔知。」 
朱千雪處女拍劇，即拍住吳啟華，喺《 On Call II》做女二，令唔少姐仔眼紅。
朱千雪有民意支持，就連《寒戰》兩位導演陸劍青、梁樂民亦睇中，新戲《大峽谷》亦預佢，戲中會同張家輝有唔少對手戲。
'14出擊黃心穎拍緊嘅《點金勝手》會加戲，下年亦拍重頭劇《再戰明天》，同朱千雪距離拉近番。
未必包生仔
港姐係入行捷徑，但要上位都係睇自己本事，就算你係冠軍一樣可以坐冷板。好似 12年港姐冠軍張名雅，到𠵱家都係做 J2《姊妹淘》主持同上過《星夢傳奇》一集咁多。
行運組
陳凱琳'13冠軍選完即被戲劇總監曾勵珍𥄫中，明年拍《廣東五虎》同《商戰》。 
蔡思貝'13亞軍性格爽朗，亦深得一眾監製賞識，下年同陳凱琳一齊拍《商戰》。 
湯洛雯'12旅遊大使當年大熱倒灶，但事業比張名雅更好，除做旅遊主持外，更喺《愛．回家》演形象好、佔戲多的李思思。
潛水組
劉佩玥'13秀軍暫時未有劇拍及主持，只出席港姐親善活動。 
歐陽巧瑩'13友誼小姐為今年友誼小姐，可惜選美期間負面新聞不絕，除咗港姐活動外，暫時未有工作安排。 
採訪、撰文、攝影：娛樂組
