大耍太極上周五（ 13日）林峯出席牙膏活動時，對自組公司一事雖沒親口承認，卻表示開公司會收穫多些。同時他亦說：「如果齋講打工，我一定只會考慮 TVB，因為我只打過 TVB一份工。」語帶雙關。
娛樂喧
揼千萬自組公司 林峯撬埋楊怡走
林峯自今年 2月公開與千語 BB拍拖以來，人前人後打得火熱。有傳最疼錫他的無綫高層樂易玲一直反對二人拍拖，並多番勸告他要以事業為重，但林峯不時請假與 BB外遊，無心戀戰。
適逢林峯尚有大半年便約滿無綫，既然與樂小姐意見不合，他索性不再續約。本刊收到消息，林峯已決定投資千萬搞經理人公司及電影製作，與他共事超過十年的無綫經理人 Candy，已率先向樂小姐遞信，為林峯的新公司預先打點。至於一心做娛樂大亨的林峯，近日更積極游說楊怡、徐子珊等花旦加盟，以壯大聲勢。
高調拍拖
自與千語 BB拍拖後，林峯不理無綫反對，十分高調。上周六（ 14日），二人更公然結伴出席千語 BB老闆黃百鳴兒子黃子桓婚宴。
義工助興
林峯七愛 BB，連帶其老闆公子亦成為自己人。在黃子桓婚宴上，林峯在沒收酬勞之下唱情歌〈愛很簡單〉娛賓，更是唯一台上獻唱的嘉賓。
唔俾拍拖致反面
林峯與徐子珊一直由 Candy（左）照顧，三人關係密切。近日有傳林峯自組公司，即挖 Candy媽加盟。上周四（ 12日），記者向 Candy求證，她只說：「邊個講㗎？」低調沒有正面回答問題。
經理人過檔新公司
月前林峯向友人透露，自己反正再過幾年，都要返屋企幫手，與其俾人抽佣，索性自己揼千萬自組經理人公司，涉足電視、電影和廣告製作，實行肥水不流別人田。
據知表面掛住拍拖懶懶閒的林峯，早已有晒全盤計劃，他首先游說在無綫藝員部打工、跟隨他十多年的經理人 Candy辭職。據知情人透露：「 Candy媽（林峯經理人）入 TVB之後就一直照顧阿峯，兩人情同母子，阿峯另起爐灶， Candy媽義不容辭劈炮去幫手。兩個禮拜前， Candy媽向樂小姐遞信，樂小姐留佢，仲俾時間佢考慮清楚。不過做 TVB藝員部經理人好蝕，因為無論經理人幫藝人接幾多工作，都係硬掘一份糧，所以 Candy媽走嘅成數好高。」
昔日冧爆去年樂易玲生日會，愛將林峯着晒背心騷肌到賀，還坐到最後，十分俾面。 
今日唔到今年樂小姐同樣大搞生日 P，雖然有不少無綫藝人到場，但人面全非，林峯請都冇到。
擸埋花旦走
失獎嬲爆
去年以為攞硬視帝獎的林峯，最終輸給黎耀祥。失獎一刻他難掩失望扁嘴苦笑，成為林峯另起爐灶的導火線。
樂小姐：會教佢點開公司
對於約滿另起爐灶，上周五（ 13日）林峯出席牙膏活動時不欲多談。「公司未搵我傾約呀，但我唔會主動傾，等公司安排。（唔心急？因為決定開公司？）自組公司的確收穫多啲，不過好辛苦，要顧慮嘅嘢好多，我會諗清楚。打工始終會揀無綫先。」
樂小姐上周五（ 13日）出席無綫飯局時，對於林峯開公司卻表示贊同。「我哋同阿峯未正式傾約，始終仲有一年先約滿，不過，若果阿峯打算開公司，佢可以搵我，我一步一步教佢點開公司都仲得。（驚唔驚佢挖埋其他花旦走？）……呢啲嘢遲啲先講啦！」說罷匆匆離開。
挖自己友
林峯效力無綫 14年，與同事關係不俗，他另起爐灶，自然首選自己友。
楊枱：想試吓！
有傳楊怡一直恨返內地拍劇𢱑銀，但偏偏無綫唔放人，令她早有離心。對於好友自組公司，她表示：「係咪真㗎？係都想試吓！其實好多藝人都自己開公司，市場咁大，我覺得無可厚非。但佢係咪俾朋友價我先？哈哈……我同 TVB係就嚟約滿，不過一直有傾緊。」
林峯與楊怡多年來合作過 10部劇集，其中更多次演情侶，包括《談情說案》、《流金歲月》、《大唐雙龍傳》等，難怪二人咁友好，林峯率先便考慮撬楊怡。
黃智雯：係好事！
與林峯屬同一經理人的黃智雯坦言與無綫還有幾年合約，但對於「阿哥」林峯搞公司表示支持。「未嘗唔係一件好事吖，俾多個機會自己多方面發展，當轉個形式同 TVB合作囉！我自己都想多啲發展。」
